Të gjithë e dimë nga historia se si forcat gjermane stagnuan në avansimin e tyre në drejtim të Moskës në dimrin e vitit 1941/42.
Meteorologët janë të mendimit se ky ka qenë dimri më i ftohtë i shekullit të kaluar, njofton MeteoBallkan.
Ky dimër është karakterizuar me bllokada që fuqishme anticiklonike afër Polit Verior. Kjo Bllokadë anticiklonike ka zhvendosur ajrin e akullt nga Poli Verior në drejtim të Kontinentit Evropian, kurse nga Oqeani Atlantik ka pasur ciklone të vazhdueshme të cilat kanë shkaktuar reshje shumë të shpeshta dhe të dendura bore në Evropë.
Pra, një bërthamë e fuqishme anticiklonike ishte krijuar në Atlantikun lindor kurse masat ajrore të lagshta që vinin në Evropë nga perëndimi në kontakt me ajrin polar krijonin ciklone të njëpasnjëshme të cilat paralizuan pjesë të mëdha të Evropës dhe Rusisë si dhe ndikuan edhe në ecurinë e Luftës së Dytë Botërore.
