Ajri i ftohtë Arktik ka përfshirë shumë pjesë të Evropes veriore, veriperëndimore, qendrore dhe perëndimore, ndërsa Evropa juglindore po vazhdon të jetë nën ndikimin e ajrit të ngrohtë mesdhetar.
Në shumë vende ka reshje të dendura bore që nga Britania e deri në Itali, ndërkohë që ajri i ftohtë polar më në fund do të fillojë të përfshijë Ballkanin duke nga Sllovenia nesër ku priten reshje bore. Në Shqipëri dhe Kosovë do të vazhdojnë reshjet e shiut, ndërsa ajri i ftohtë polar do të përparojë drejt juglindjes gradualisht duke arritur në Kosovë në fillim të javes së re.
Reshje të dendura bore priten në Slloveni , Kroaci, Bosnjë dhe Hercegoinë, Serbi e Mal të Zi. Të hënën reshjet e borës do të fillojnë edhe në Kosovë dhe viset kodrinore-malore të Maqedonisë së Veriut.
Do të jetë ky fluksi i parë “serioz” i ajrit të ftohtë polar në Kosovë, ndërsa i ftohti do të zgjasë dy ose tri ditë, ngase shumë shpejt do të kemi rikthimin e erërave jugore e ajrit të ngrohtë mesdhetar pas reshjeve të borës.
Pra, na pret mot mjaft i ndryshueshëm me ulje-rritje të shpeshta të temperaturave, me shi të shumtë e borë nganjëherë./MeteoBallkan