Edhe dita e nesërme parashihet të jetë pothuajse e ngjashme sikur sot, vetëm se mund themi se jostabilitet do të jenë pak më të zgjeruara. Temperaturat nuk pritet të ndryshojnë, pra do të jetë një ditë mjaft e nxehtë deri në momentin e rrebeshit të shiut kur do të freskohet në ato rajone ku do të prek rrebeshi. Rrebeshet përsëri pritet të jenë të izoluara apo të karakterit lokal, pra në disa rajone priten rrebeshe e në shumë rajone tjera nuk do të ketë fare. Është e pamundur të dihet se në cilat rajone do të ketë e në cilat jo.
Edhe në Shqipëri dhe Maqedoninë e veriut nesër mot i ngjashëm dhe i nxehtë. Në bregdet me diell dhe pa rrebeshe, ndërsa në viset tjera mund të ketë rrebeshe të izoluara shiu me vetëtima dhe bubullimë. Informacione më të zgjeruara në mbrëmje vonë./Meteoballkan
