Siç po shihet në imazhin satelitor sot në Evropë pati edhe ngrica të theksuara dhe kjo ka ndodhur në verilindje të Kontienntit dhe në disa pjesë lindore të Kontinentit evropian. Kjo na tregon se dimri nuk është aq larg, mirëpo rajoni ynë ndodhet nën ndikimin e masave relativisht të ngrohta ajrore dhe kjo pritet të vazhdojë, prandaj në një të afërm jo të largët nuk pritet të ketë ulje të temperaturave, madje pritet të kemi rritje të temperaturave nga fundjava e tutje.
Kjo vjeshtë po vazhdon me temperatura normale dhe pak mbi mesataren, përpos gjysmës së dytë të Shtatorit kur pati anomali negative të temperaturave për shkak të ardhjes së një mase mjaft të ftohtë ajrore.
Ditëve të ardhshme na pret mot kryesisht i vranët, me ndonjë rigë ose rrebeshe shiu./MeteoBallkan
