Cikloni shumë i fuqishëm nga Deti Adriatik ka përfshirë Ballkanin e në territoret tona po fryjnë erëra mjaft të ngrohta jugore e juglindore të cilat me efektin “fen”të tyre po kushtëzojnë temperatura mjaft të larta për këtë periudhë kohore. Ndërkohë në Slloveni dhe Kroaci ka filuar depërtimi i ajrit të ftohtë polar dhe erërat e ftohta veriore e veriperëndimore.
Gjatë pasdites së vonshme dhe në mbrëmje reshje mjaft të dendura shiu do të përfshijnë Shqipërinë dhe Dukagjinin në Kosovë. Edhe në viset tjera priten reshje shiu të intensitetit të ndryshueshëm.
Reshje jashtëzakonisht intensive priten në veri të Shqipërisë dhe jug të Malit të Zi, lokalisht edhe në shumë vise tjera të Shqipërisë.
Gjatë nates dhe nesër me udhëtimin e ciklonit të fuqishëm drejt verilindjes së Evropes, ajri i ftohtë polar do të përparojë drejt Bosnjes, Malit të Zi, Serbisë dhe në mbrëmje edhe Kosoves ku do të ndjehet sidomos në veri të Kosoves ku pritet të fillojnë reshjet e bores.
Efekti “fen” e erërave jugore do të përfundojë nesër në Kosovë dhe ndryshimi e drejtimit të erërave do të vijë edhe deri te ulja e temperaturave. Pasdite fillimisht në veri e pastaj gradualisht edhe në viset tjera do të fillojnë të fryjnë erëra të ftohta nga verilindja.
Të hënën na pret mot mjaft i ftohtë dhe me reshje lokale bore në Kosovë. Reshje paksa më të dendura bore priten në veri dhe verilindje të Kosoves e në ultësirat e disa viseve të Dukagjinit fare pak bore ose hiç./MeteoBallkan
