Në analizen më të fundit Instituti Evropian për vrojtimin, parashikimin dhe monitorimin e stuhive ESTOFEX ka paralajmëruar dy ditë shumë aktive me rrezikshmërinë më të lartë të nënvizuar me numrin tre për territorin e Serbisë, veriun e Bullgarisë dhe jugun e Rumanisë.
Pritet të fillojnë diku në territorin e Kroacisë e sidomos në Bosnjë dhe Hercegovinë për të kaluar në Serbi duke u fuqizuar në nivele të reja shtrëngatash, pastaj në territorin e Bullgarisë (veri) dhe jugun e Rumanisë ku priten shtrëngata mjaft të fuqishme shiu dhe breshëri duke mos përjashtuar mundësinë për krijimin e strukturave tornadike.
Edhe pse jemi shumë afër këtyre zhvillimeve në viset tona nuk presim stuhi të fuqishme, megjithatë atmosfera-natyra mund të na befasojë ndonjëherë, edhe pse gjasat janë shumë të vogla, sidoqoftë në viset tona sipas parashikimeve parashihen vranësira lokale e rrebeshe lokale- afatshkurtra shiu vetëm në disa zona të caktuara apo në rajonet më afër territorin të Serbisë. Edhe në shtetet fqinje këto zhvillime do të jenë të karakterit lokal, pra nuk do të jenë gjithëpërfshirëse. Të Enjten zhvillime të izoluara zgjerohen në disa pjesë të Shqipërisë dhe Maqedonisë së Veriut, ndërsa shtrëngatat e mëdha
Të Premten frontet e freskëta përfshijnë përfundimisht edhe viset tona me rrebeshe shiu me vetëtima dhe bubullimë ku mund të ketë edhe ndonjë stuhi lokale, por krahasuar me vendet fqinje ato parashihet të jenë më të dobëta nëse ndodhin. Temperaturat do të shënojnë ulje të ndjeshme, por përmirësimi i motit vjen menjëherë në vikend./MeteoBallkan
