Aktivitetet ciklonike janë “zgjuar” dhe fuqizuar në Oqeanin Atlantik. Masat e lagshta ajrore oqeanike do të depërtojnë edhe brenda territorit të Kontinentit Evropian.
Ditëve të ardhshme reshje të shpeshta dhe të herëpashershme shiu do të përfshijnë Britaninë e Madhe, Francën, Gjermaninë, Zvicrën, Austrinë, Poloninë, shtetet Baltike dhe shtetet Skandinave e deri në Rusi. Reshjet do të jenë në formë shiu në shumicën e territorit të Evropës Perëndimore kurse në viset malore do të ketë reshje bore. Rajoni i Rusisë, Skandinavisë dhe pjesë të Evropës Qendrore dhe Lindore herë pas here do të përfshihen nga reshje të dendura lokale shiu dhe bore. Duhet theksuar fakti se reshjet nuk do të jenë gjithëpërfshirëse dhe të pandërprera por lokale dhe me intervale. Vende-vende reshjet mund të jenë mjaft të dendura kurse në disa rajone tjera reshjet do të jenë të lehta.
Pra, Evropën perëndimore ditëve të ardhshme e pret një mot mjaft dinamik me reshje shiu dhe gjithashtu herë pas here do të ketë edhe erëra të fuqishme. Mot kryesisht stabil pritet të mbajë në Portugali, Spanjë dhe shumicën e territorit italianë. Meteoballkan.
