Masa jashtëzakonisht të ftohta ajrore me origjinë polare kanë depërtuar në rajonin tonë duke kushtëzuar rrebeshe lokale shiu, breshër të imët dhe reshje bore në viset e larta malore.
Përgjegjës për këtë gjendje është cikloni nga Evropa lindore i cili tani po largohet gradualisht në drejtim të lindjes dhe juglindjes së Kontinentit. Cikloni i shtresave të larta atmosferike përmban ajrin e ftohtë dhe jo-stabil i cili ka shkaktuar destabilizim të fuqishëm të atmosferës. Po ashtu ky ciklon ka hapur rrugën e depërtimit të masave të ftohta ajrore, ndërkohë që masat afrikane ajrore janë të bllokuara duke mos gjetur rrugë në drejtim të rajonit tonë.
Megjithatë cikloni nga nesër dobësohet dhe largohet në lindje dhe juglindje. Presioni i ajrit do të fillojë të rritet reshje atmosferike nuk priten nga dita e nesërme deri të dielën. Temperaturat fillojnë të rriten, por nuk pritet të kemi rritje të ndjeshme të temperaturave sepse, përkundër largimit të ciklonit dhe depërtimit të anticiklonit mbi rajonin tonë ende do të jenë prezente rrymime të frohta ajrore nga veriu dhe veriperëndimi. Këto rrymime ajrore nuk do të lejojnë rritje të mëdha të temperaturave deri afër fundjavës. Nga fundjava më në fund pritet të kemi ngritje të temperaturave, ndërsa të dielën vonë pasdite në disa vise kodrinore-malore priten rrebeshe të izoluara shiu me vetëtima dhe bubullimë./Meteoballkan
