Ngrohja e menjëhershme e Stratosferës apo siç njihet në gjuhën angleze “Sudden Stratospheric Warming” (SSW) fillon nga dita e nesërme sipas modeleve globale për parashikim të motit. Meteorologët Evropianë dhe rajonalë tani kanë filluar të paralajmërojnë për mundësine e madhe që ky dimër të na jep goditje të fuqishme Siberike. Prë shkak të “ngrohjes së menjëhershme të Stratosferës” në atmosferë ndodhin ndryshime të cilat janë tipike dimerore.
Në Polin Verior dhe në Siberi do të kemi fuqizimin e bllokadave të fuqishme anticiklonike të cilat do të ndikojnë në çarjen e rrethit polar në dy pjesë. Një pjesë e ajrit të ftohtë polar do të shkonte në drejtim të Kanadasë kurse pjesa tjetër në drejtim të Siberisë. Me fuqizimin e madh të Anticiklonit Siberik atëherë ky anticiklon do të afrohej në drejtim të Evropës dhe Gadishullit Ballkanik, duke dislokuar ajrin e ftohtë në drejtim të Evropës dhe Gadishullit Ballkanik. Këto procese në stratosferë dhe atmosferë mund të shkaktojnë një Janar jashtëzakonisht të ftohtë duke mos përjashtuar edhe ekstremet meteorologjike. Megjithatë, deri atëherë ka ende kohë dhe kjo nuk do të duhej të ishte 100 e sigurtë. Sidoqoftë ne do të jemi duke e përcjellur situatën dhe do tju njoftojmë me kohë për çdo eventualitet./Meteoballkan.
