Vala e gjatë nxehtësisë që ka përfshirë rajonin tonë edhe pse në Kosovë nuk ishte asgjë ekstreme po i vjen fundi por vetëm përkohësisht. Disa vise të Shqipërisë dhe Maqedonisë së Veriut u freskuan dy ditët e kaluara nga rrebeshe verore dhe stuhi të fuqishme lokale.
Kosova kaloi pa ndonjë reshje që vlen të theksohet. Kishte rrebeshe afatshkurtra natën mes së mërkurës apo mëngjesin e së enjtes. Rrebeshe më intensive u zhvilluan në disa pjesë të Maqedonisë së Veriut dhe në jug e juglindje të Shqipërisë si dhe në disa rajone në pjesët qendrore të Shqipërisë dhe këto ndikuan në uljen sadopak të temperaturave në ato zona pas një vale nxehtësie afatgjatë.
Pas shirave të Korrikut Kosova u përfshi nga masa të thata dhe të nxehta ajrore në muajin Gusht dhe kjo kontribuoi në ashpërsimin e thatësisë dhe keqësimin e gjendjes hidrologjike në Kosovë.
Pas uljes së lehta të temperaturave që i përjetuam dy ditëve të kaluara tani vjen rritja e tyre, por të martën do të kemi ulje të fuqishme të temperaturave nga një front i fuqishëm i ftohtë ajror i cili do të jetë më i pasur me energji dhe lagështi dhe do të kushtëzojë rrebeshe lokale shiu me vetëtima dhe bubullimë dhe reshje shiu në shumë pjesë të Kosovës si dhe ulje të ndjeshme të temperaturave.
Rrebeshe të reja shiu priten edhe në shumë pjesë të Shqipërisë, Maqedonisë së Veriut, Malit të Zi dhe Luginës së Preshevës. Ky sistem ajror do të jetë më i pasur me lagështi dhe priten reshje dhe rrebeshe shiu në shumë vise të territoreve tona dhe kjo do të ndodhë gjatë ditës së Martë.
Reshjet dhe freskia që pritet ditën e martë do të jetë një lehtësim jashtëzakonisht i mirëpritur pas shumë ditëve të nxehta dhe me diell sidomos kjo do të vlejë për zonat urbane, ngase vapa urbane ka “betonizuar” temperaturat e larta në ato zona.
Valë e re nxehtësie
Megjithatë, kjo valë freskie do të jetë jetëshkurtër, ngase pas kalimit të saj parashihet të kemi një valë të re nxehtësie, madje mjaft intensive me rritje rapide rapide të temperaturave. Do të kemi disa ditë që temperaturat maksimale në Kosovë 35 e pak mbi 35 do të jenë shfaqje të zakonshme. Në Shqipëri prapë do të kemi temperatura deri në 40 gradë Celsius.
Kjo fundjavë në Kosovë do të jetë tërësisht stabile dhe me diell, për dallim nga Shqipëria ku priten rrebeshe lokale shiu me vetëtima dhe bubullimë sidomos në perëndim të vendit. Të hënën rrebeshe të izoluara do të përfshijnë edhe pjesë të Kosovës orëve të pasdites pas një dite mjaft të nxehtë, kurse të martën vranësira të dendura me rrebeshe shiu dhe freskim të shumëpritur të mtoit do të përfshijnë tërë Kosovën dhe shumë pjesë të Shqipërisë e Maqedonisë së Veriut
Pas të martës do të kemi një valë tjetër nxehtësie intensive e cila mund të jetë më e forta deri tani për këtë sezonë për territorin e Republikës së Kosovës, por kjo mbetet të shihet, ngase kjo valë nxehtësie nganjëherë mund të shoqërohet edhe me stuhi të izoluara./MeteoBallkan
