Reshje të dendura shiu kanë përfshirë Kroacinë dhe Bosnjën në këto çaste. Në shumë rajone shiu ka filluar të shndërrohet në borë.
Reshje të dendura bore raportohen nga Kroacia dhe veriu i Bosnjës, kurse reshjet e borës do të zgjerohen orëve të ardhshme edhe nëpër ultësirat Bosnjës dhe Serbisë dhe njëkohësisht në Kroaci do të pushojnë reshjet.
Fronti i ftohtë po përparon në drejtim të juglindjes, ndërsa në Kosovë pritet të arrijë në orët e natës ose orët e hershme të mëngjesit. Fillimisht priten reshje shiu sepse para frontit do të jenë temperaturat e larta, kurse me kalimin e frontit dhe fillimin e erërave veriore reshjet e shiu do të shndërrohen në reshje shqote dhe bore në shumicën e territorit të Republikës së Kosovës, verilindje të Shqipërisë dhe veriperëndim dhe perëndim të Maqedonisë Veriore deri ditën e nesërme. Në viset kodrinore malore priten reshje të dendura bore, por reshje bore do të ketë edhe në shumë ultësira të Kosovës dhe pritet të formohen shtresa dekorative./Meteoballkan
