Sistemi i fuqishëm me vranësira të dendura vjen nga deti fillimisht në Shqipëri me reshje dhe rrebeshe shiu, pastaj edhe në Kosovë dhe Maqedoninë Veriore. Megjithatë, në Kosovë nuk priten reshje të mëdha, madje në disa zona të Kosovës shumë pak reshje.
Reshje dukshëm më intensive do të ketë në territorin e Shqipërisë dhe Malit të Zi, lokalisht edhe në Dukagjin të Kosovës sidomos në jug të vendit dhe disa zona në veriperëndim të Maqedonisë së Veriut. Nëpër të gjitha ultësirat do të ketë reshje shiu, kurse në viset kodrinore-malore reshje shqote e bore.
Pas reshjeve të së shtunës, në Kosovë shumë shpejtë pushojnë reshjet, por herë pas here vazhdojnë në Shqipëri dhe Maqedoninë Veriore. Pason fronti i ftohtë të dielen me vranësira të reja dhe sisteme të reja reshjesh. Edhe këto reshje nuk do të jenë të barabarta në të gjitha vendet. Prapë më shumë reshje priten në shumë zona të Shqipërisë dhe jug të Kosovës. Me ardhjen e frontit të dielen do të ketë ulje të temperaturave dhe reshje sporadike bore. Të gjitha reshjet në ultësira do të jenë në formë shiu me ndonjë përjashtim të vogël. Borë vetëm në male dhe kodra.
Megjithatë, të dielën vonë dhe të Hënën mund të ketë reshje të herëpashershme bore (kryesisht të pakta) ose ndonjë rrebesh bore në disa zona të ulëta të Kosovës dhe Maqedonisë së veriut, normalisht në zonat malore të tërë rajonit as që diskutohet.
Temperaturat shënojnë rritje të lehta para frontit të ftohtë dhe pësojnë ulje pas frontit të ftohtë sidomos të dielën mbrëma dhe të Hënën./MeteoBallkan
