Era e fuqishme, herë-herë edhe orkanike, po frynë në Zagreb nga e diela në mbrëmje
Në rrugë në të gjitha pjesët e qytetit ka shumë degë të thyera të trungjeve, kontejnerë të shpërndarë të plehrave apo shtande të drunjta, vende-vende janë shkulur edhe semaforët, bëjnë të ditur mediet kroate.
Zjarrfikësit janë në terren, ndërsa policia ua tërheq vërejtjen qytetarëve të mos dalin jashtë nëse nuk janë të detyruar.
Dy persona janë lënduar shkaku i erës së stuhisë – një këmbësor në sheshin “Ban Jelacic” dhe një femër, të cilën i ka rënë dega në Çërnomerc, ka bërë të ditur policia.
Goditjet e erës në Zagreb janë të forcës edhe deri në 100 km/h.
