Nën ndikimin absolut anticiklonik rajoni ynë po vazhdon të jetë nën ndikimin e masave të relativisht të ngrohta ajrore dhe stabile anticiklonike. Masat e fuqishme anticiklonike po qarkullojnë mbi viset tona për një kohë mjaft të gjatë, ndërkohë që ciklonet vazhdojnë të jenë shumë larg në veri dhe lindje të Kontinentit dhe sidomos në Mesdheun perëndimor të paqëndrueshëm ku pati reshje të mëdha dhe skena apokaliptike në Valencia të Spanjës.
Ndërkohë një bërthamë të ajrit të ftohtë me origjinë polare-siberike do të kemi në lindje të Evropes. Kjo bërthamë shkëputet nga Siberia, por nuk është e fuqishme kur vjen në viset tona. Nuk do të shkaktojë ndonjë përkeqësim të madh të motit, megjithatë kjo bërthamë e ajrit të ftohtë do të “ndezë fitilin” në Mesdhe për javën e ardhshme.
Moti anticiklonik do të vazhdojë afërsisht deri në mes të javës së re kur pritet krijimi i një cikloni të fuqishëm në Mesdhe që do të sjellë reshje atmosferike si në Shqipëri, por potencialisht edhe në Kosovë. Mbetet të shihet evoluimi i saktë i gjendjes sinoptike.
Të dielën dhe të hënën do të kemi ardhjen e ajrit pak më të ftohtë, por kryesisht pa reshje atmosferike, megjithatë reshje atmosferike nuk janë fare larg./MeteoBallkan
