Atmosfera është aktivizuar këtë mëngjes dhe paradite në disa vise të Shqipërisë me stuhi të izoluara, ndërsa stuhi më të përhapura pati në Mal të Zi dhe tani janë në territorin e Sanxhakut dhe jugperëndim të Serbisë.
Gjatë orëve të ardhshme presim aktivizim edhe më të dendur të atmosferës dhe zhvillimin e disa stuhive që nga Shqipëria dhe Mali i Zi pritet të kalojnë edhe në Kosovë, por presim zhvillime edhe në vet territorin e Kosovës. Temperaturat do të pësojnë ulje, kurse këto reshje do të jenë të mirëseardhura vetëm të shpresojmë që mos të ketë breshër shumë të përhapur, ngase në disa zona të izoluara breshër pritet të ketë por të shpresojmë sa më pak.
Në këto raste gjithsesi duhet patur kujdes, ngase stuhia eventuale mund të shkaktojë probleme me erëra të forta, sasi të madhe uji për një periudhë të shkurtër kohore, shkarkesa të forta atmosferike dhe breshër, por asesi nuk duhet të kemi fobi apo të panikohemi ngase këto stuhi do të jenë kalimtare dhe nuk janë diçka shumë të jashtëzakonshme për këtë periudhë kohore. Janë dukuri plotësisht normale natyrore me gjithë furinë e tyre që nganjëherë na shkakton problem dhe atë jo të vogla.
Gjithsesi kujdes duhet patur sepse mund të ndodhin edhe shtrëngata të forta dhe me rrebeshe mjaft intensive sot dhe po ashtu ditën e Enjte.
E Premtja sjellë po ashtu rrebeshe lokale shiu, ndërsa pason stabiliizimi gradual i atmosferës.
Stabilizim të plotë të atmosferës presim gjatë ditëve të fundjavës.
Fillimi javës së re parashihet të jetë me temperatura mjaft të larta, por të cilat nuk pritet të zgjasin shumë./MeteoBallkan
