Anticikloni stabil ka marrë situatën nën kontroll dhe ka “pastruar” qiellin mbi rajonin tonë duke larguar të gjitha llojet e vranësirave dhe kjo vërehet qartë edhe nga imazhet satelitore të ditës së sotme.
Mot i tillë dhe stabil na pret edhe dy ditët e ardhshme me ndonjë gjasë për vranësira të pakta lokale, ndërsa temperaturat shënojnë rritje të mëtutjeshme për shkak të rrymimeve ajrore nga jugperëndimi.
Të enjtën sipas të gjitha gjasave do të kemi ulje të temperaturave dhe ndryshimin e rrymimeve ajrore. Do të fillojnë të fryjnë erëra të ftohta nga veriu dhe verilindja, por reshjet mbeten simbolike. Nga fundjava përsëri rritje e temperaturave dhe erëra do të fillojnë përsëri të fryjnë nga jugu dhe perëndimi./MeteoBallkan
