Anticikloni stabil që nga Afrika veriore, Mesdheu e deri në territoret tona në kontinent nuk po lejon ardhjen e sistemeve të vranësirave në territoret tona dhe për këtë arsye po mbanë mot i thatë dhe i ngrohtë për këtë periudhë kohore ku përpos rrezeve diellore kemi edhe vranësira lokale të cilat nuk kanë gjasa që të kushtëzojnë pika shiu ngase jemi nën ndikimin e masës së thatë ajrore anticiklonike.
Ky mot nuk është krejtësisht i pazakont për muajin Tetor, ngase edhe në të kaluar kemi pas shpeshherë mot të ngjashëm dhe do të ketë gjithnjë.
Masa mjaft e ngrohtë me origjinë nga Afrika veriore dhe Mesdheu vetëm se do të fuqizohen mbi rajonin tonë nga nesër duke rritur temperaturat edhe më shumë. Po ashtu edhe masa e thatë ajrore anticiklonik do të fuqizohet edhe më shumë ditëve të ardhshme duke mos lejuar reshje atmosferike.
Temperaturat do të shënojnë rritje dy ditët e ardhshme për të shënuar ulje kryesisht të lehta nga mesi i javës, ndërkohë që do të vazhdojnë alternimet mes vranësirave lokale e intervaleve të gjata kohore me diell. Reshje atmosferike nuk priten deri në Nëntor./MeteoBallkan
