Në këto çaste në Srebinë jugperëndimore dhe veriun e Malit të Zi kemi zhvillime të fuqishme konvektive, nëdrsa stuhi edhe më të forta ka në territorin e Italisë.
Sistemet që ndodhen në Mal të Zi dhe Serbi pritet që gradualisht të përfshijnë edhe Kosovën me shtim të konsiderueshëm të vranësirave dhe reshje shiu e rrebeshe lokale me vetëtima dhe bubullimë, ndërsa sistemet që ndodhën në Itali pritet ti afrohen Shqipërisë ku pritet ndonjë stuhi lokale edhe në Shqipëri kryesisht në qendër dhe jug të vendit, por nuk priten reshje të mëdha, ngase sistemet më të fuqishme pritet të anashkalojnë territoret tona dhe të “migrojnë” në territoret greke.
Sidoqoftë, në Kosovë orëve të ardhshme priten rrebeshe lokale shiu me vetëtima dhe bubullimë dhe kalimthi mund të ketë erëra të fuqishme, por asgjë e jashtëzakonshme. Stuhi lokale priten edhe në disa vise të Shqipërisë, ndërsa rrebeshe priten edhe në disa vise në Maqedoninë Veriore. Fronti do të jetë kalimtar dhe nesër pas një mëngjesi mjaft të freskët dhe me vranësira të shtresave të ulëta ku mund të ketë edhe mjegull gjatë ditës priten intervale kohore me diell./MeteoBallkan
