Në foton kryesore kemi ndarë me një vijë të zezë kufirin mes temperaturave pak të ftohta që sjellin kryesisht borë në Ballkan dhe temperturave pak më të larta që sjellin shi dhe bore në viset pak më të larta. Territoret tona përpak (gjatë kësja fundjave) pritet të jenë në sektorin e ngrohtë të këtyre masave ajrore.
Në këto çaste kemi një ciklon në Mesdheun qendror, diku mes jugut të Italisë së brigjeve të Afrikes veriore dhe për këtë arsye kemi mot të vranët. Temperaturat u ulën gjatë mbrëmjes së kaluar dhe patëm edhe reshje lokale bore dhe sot temperaturat janë rreth vlerave mesatare për këtë periudhë kohore.
Ajri i ftohtë më shumë është i koncentruar në vendet fqinje të Ballkanit si në Mal të Zi, Bosnjë, Kroaci dhe pjesërisht edhe në Serbi. Në Kosovë, Maqedoninë Veriore dhe pjesët jugore dhe juglindore të Serbisë do të kemi rritje të lehta të temperaturave sidomos nesër me ardhjen e vranësirave të reja nga Mesdheu. Për këtë arsye pritet që reshjet të kalojnë në riga shiu ose reshje të përziera gjatë fundjavës. Ka gjasa që të ketë edhe shi të akullt. Shiu i akullt ndodhë kur në shtresa të larta të atmosferës temperatura është më e lartë, ndërsa afër sipërfaqes së tokës ka mbetje të ajrit të ftohtë gjegjësisht, temperatura është e ulët rreth 0 ose mund të jetë edhe -1. Shiu që bjen nga lartë ngrihet afër sipërfaqes së tokës ose në sipërfaqe. Kjo mund të ndodhë gjatë kësaj fundjave në disa vise të Kosovës. Në shumë ultësira priten reshje shiu.
Gjatë kësaj fundjave në Kosovë, Shqipëri dhe Maqedoninë Veriore do të depërtojë një sasi e ajrit të ngrohtë mesdhetar duke rritur përkohësisht temperaturat dhe për këtë arsye herë pas here priten reshje shiu sidomos nëpër ultësira. Temperaturat ulen përsëri nga e hëna dhe atëherë shiu do të fillojë të kalojë në borë përsëri. Rritja e temperatuave nuk do të ndjehet shumë në tokë, por më shumë në shtresa të larta të atmosferës.
Ditën e hënë një tjetër ciklon pritet të krijohet në Italinë veriore dhe pritet të fuqizohet në Detin Adriatik duke na sjellur reshje të reja atmosferike të cilat do të definohen varësisht nga temperaturat, por sipas të gjitha gjasave priten reshje të reja bore sidomos në shumë pjesë të Kosovës./MeteoBallkan