Nga nesër në rajonin tonë rikthehen temperaturat verore ngase pritet të jemi nën ndikimin direkt të masave ajrore të nxehta me origjinë nga Afrika Veriore si dhe masave të thata ajrore anticiklonike.
Mëngjesin e sotën në disa rajone pati edhe brymë, ndërsa në rajon më gjerë temperatura minimale zbriti deri në -2 gradë Celsius sa u shënua në Sjenicë. Edhe mëngjesi i ardhshëm do të jetë i ftohtë, por me ndonjë përjashtim eventual nuk pritet të ketë brymë dhe kjo do të varet krejtësisht nga vranësirat evnetuale. Nëse gjatë natës moti do të jetë krejtësisht i kthjellët atëherë ka gjasa të vogla për brymë të dobët, sidoqoftë nga nesër temperaturat shënojnë rritje të ndjeshme.
Më së nxehti do të jetë të dielën dhe të hënën kur temperaturat pritet të arrijnë deri në 30 gradë Celsius në disa rajone, ndërsa të hënën pasdite mund të ketë shtim të vranësirave dhe ndonjë rrebesh i izoluar shiu me bubullimë.
Nga e marta më shumë vranësira dhe rrebeshe lokale shiu me vetëtima dhe bubullimë dhe temperaturat shënojnë ulje por nuk pritet i ftohtë i madh./Meteoballkan
