Shtetet e Bashkuara të Amerikës kanë klimën ekstreme për shkak të pozitës gjeografike, relievit dhe faktorëve tjerë klimatik ku bëhet e mundur kontakti dhe përplasja e masave ajrore gjigante të cilat kushtëzojnë mot esktrem. Edhe pse jemi në ende kalendarisht në stinën e verës nga Kanadaja në drejtim të perëndimit dhe qendrës së Shteteve të Bashkuara të Amerikës pritet goditja e parë polare ku më të goditura do të jenë shtetet Kolorados, Wyoming, Kansas, Nebraska perëndimore etj.
Imagjinoni temperaturat maksimale në Denver të Kolorados këto ditë arrijnë deri ekstremisht të nxehta 38 gradë Celsius, kurse javën tjetër pas dy ose tre ditëve priten reshje të dendura bore dhe temperatura deri në -2 deir në -6 gradë Celsius. Vetëm mund të imagjinojmë se çfarë ndryshimi dhe çfarë stuhish krijojnë këto dallime të mëdha të temperaturave në atë regjion të globit tonë. Priten stuhi të fuqishme fillimisht shiu me shtrëngata me bubullima dhe pastaj me depërtimin rapid të ajrit të ftohtë do të fillojnë edhe reshjet e dendura të borës të cilat do të përfshijnë edhe kryeqendrën e Kolorados Denverin i cili ka lartësi mbidetare rreth 1500 metra./Meteoballkan
