Shikoni ajsbergun më të madh në botë, një masë kolosale akulli që ka mbetur në tokë për dekada, por tani ka filluar të lëvizë përsëri nëpër rajonet polare të ujërave të Antarktidës.
Anketa Britanike e Antarktidës (BAS) publikoi një video që tregon ajsbergun masiv të njohur si A23a, i cili është 64.3 km i gjerë. Me peshë 1 trilion ton e me ngjyrat e tij blu të akullta që shkëlqejnë në rrezet e diellit, ajsbergu është aq i madh sa ishulli Havai ‘Oahu’ dhe tre herë më i madh se qyteti i New York-ut.
Ajsbergu, i cili u shkëput nga nga pjesa e akullit Filchner në gusht 1986, kishte ngecur në fundin e detit që atëherë.
“Ai filloi të lëvizte në mënyrë të ngadaltë në vitin 2020, por në fillim të 2022-it u rrit shpejtësia”, tha Em Newton, një oficer i komunikimeve dixhitale për BAS.
Në video shihet sipërfaqja e ajsbergut e filmuar më 1 Dhjetor, ditën kur anija e pikasi rreth 90 km nga ishulli Joinville. Ajsbergu me shumë gjasa do të përfshihet në rrymën e Atlantikut Jugor teksa shkrihet ngadalë.
