Sot në Ballkan po mbanë kryesisht i vranët dhe vende-vende ka intervale të shkurtra kohore me diell. Në shumë vise ka reshje të rrëmbyeshme shiu sidomos në Greqi dhe Bullgari, ndërsa në Bosnjë dhe Serbi ka stuhi të fuqishme të izoluara me breshër dhe bubullimë. Rrebeshe dhe reshje lokale kemi në Kosovë dhe Shqipëri, ndërsa reshje më intensive kemi në shumë pjesë të Maqedonisë së Veriut.
Nga nesër në bregdet pritet të ketë përmirësim gradual të motit, por instabilitetet atmosferike mbesin prezente në viset tona kontinentale ku priten reshje të herëpashershme shiu dhe rrebeshe lokale me vetëtima dhe bubullimë kryesisht në Kosovë, Maqedoninë Veriore, veriun e Malit të Zi, Kosoven Lindore dhe viset kontinentale të Shqipërisë. Ende ka gjasa për rrebeshe intensive lokale.
Përmirësim të motit presim gjatë javes së ardhshme kur priten më shumë intervale kohore me diell dhe rritje të temperaturave, veçanërisht nga mesi i javës pritet të kemi mot më stabil./MeteoBallkan
