Pas reshjeve të herëpashershme atmosferike (shi-borë) dhe ndryshimit të shpeshtë të temperaturave që do ti kemi këtë fundjavë, në fillim të javës së ardhshme do të depërtojnë masa të ftohta ajrore nga veriu dhe verilindja e Kontinentit dhe do të jetë mjaft ftohtë, por asgjë ekstreme. Do të kemi edhe erëra të ftohta veriore, por reshje bore të qëndrueshme nuk priten. Fillimi i javës, pra do të jetë i ftohtë me erëra veriore dhe vende-vende mund të ketë edhe reshje të dobëta bore. Temperaturat polare do të qëndrojnë dy ose tre ditë varësisht nga lëvizja e masave ajrore. Modeli ECMWF sonte ka një sinjal që ditën e Enjte në Mesdhe të krijohet një ciklon i cili do të mund të na sillte reshje të dendura bore, por kjo është vetëm sinjali i parë dhe nuk mund të themi se është i saktë mbi 55%.
Sidoqoftë, fundjava dhe java e ardhshme do të na gëzojë në disa rajone edhe me reshje bore por të cilat mund të jenë të qëndrueshme vetëm në viset malore, kurse fundjava e ardhshme mund të na befasojë për të mirë edhe në viset e ulëta.
Ishin këto të dhënat më të fundit nga analizat e modeleve globale kompjuterike për parashikim të motit./Meteoballkan.
