Mot kryesisht stabil po presim në fillim të kësaj jave me shumë alternime mes vranësirave intervaleve kohore me diell, ndërsa vranësirat mbesin në shumë rajone për shumë kohë, në rajone tjera kemi më shumë intervale kohore me diell. Në Shqipëri më ngrohtë sidomos në perëndim të vendit.
Temperaturat nuk po pësojnë ndryshime të mëdha dhe po luhaten afërsisht nga 5 ato minimale deri në 17 apo 18 ato maksimale, ndërsa në Shqipëri ndjeshëm mbi 20 gradë Celsius.
Stabiliteti atmosferik do të vazhdojë në pjesën e parë të javës dhe temperaturat pa ndonjë ndryshim të madh. Parashihen vranësira të shpeshta, por edhe intervale kohore me diell, ndërkohë që vranësira më të theksuara pritet të fillojnë të depërtojnë në jug të Shqipërisë dhe Maqedoninë Veriore duke kushtëzuar edhe riga lokale shiu.
Në Kosovë reshje do të jenë krejtësisht të pakta dhe sporadike, por mbetet pak më ftohtë se viset tjera.
Aktivizimi i Mesdheut
Situatë stabile do të mbetet deri në mesjavë. Në mesjavë vranësira të shiut fillojnë të depërtojnë në jug të Shqipërisë dhe pjesë të Maqedonisë së Veriut duke filluar të enjten me riga kryesisht të dobëta, lokale shiu. Kjo do të jetë një shenjë e afrimit të një sistemi të fuqishëm ciklonik nga Mesdheu. Erërat do të ndryshojnë drejtim dhe do të fillojnë të fryjnë nga jugu.
Afrimi i ciklonit mesdhetar nënkupton edhe shtim i vranësirave të shiut, (rritje e përkohshme e temperaturave) të cilat gjatë ditës së Premte do të përfshijnë të gjitha viset tona me reshje shiu e diku (Shqipëri) edhe rrebeshe shiu me ndonjë vetëtimë dhe bubullimë.
Pra, deri të mërkurën e enjten me mot më stabil, në Kosovë relativisht i ftohtë, me vranësira e intervale kohore me diell. Në Shqipëri më ngrohtë. Të enjten erërat jugore fillojnë të fryjnë si shenjë e ciklonit dhe reshjeve lokale fillimisht të dobëta.
Të Premten reshje më intensive përfshijnë gati të gjitha viset tona si pasojë e ardhjes së ciklonit nga Mesdheu.
Fundjava vjen me vranësira dhe reshje shiu, e shtuna me ulje të temperaturave, reshje të herëpashershme, lokale shiu dhe erëra nga veriu. E diela me vranësira e intervale kohore me diell dhe me mundësi për reshje të pakta lokale. Temperaturat mbesin rreth vlerave mesatare apo nën vlerat mesatare.
Ishte parashikimi i motit për këtë javë. Parashikimi mund të ndryshojë fare lehtë këtë javë për shkak të dinamikës së zhvillimt të ciklonit mesdhetar. Për çdo ndryshim do të njoftoheni në postimet tona të përditshme./MeteoBallkan
