Rrebeshe të fuqishme lokale kanë filluar në pjesë të ndryshme të Republikës së Kosovës. Rrebeshet nuk janë gjithëpërfshirëse por janë mjaft të fuqishme dhe të karakterit lokal. Në disa rajone kanë filluar edhe shkarkimet amtosferike. Gjatë ditës dhe mbrëmjes rrebeshet e fuqishme të shiu vetëm se do të intensifikohen në shumicën e territorit të Republikës së Kosovës.
Edhe me sy të lire mund të vërehet sot se kemi të bëjmë me një atmosferë plot lagështi, në të cilen pritet të zhvillohen procese të bujshme atmosferike, kurse një rreze dhe nxehtësi diellore është si të futesh benzinin në zjarr dhe për këtë arsye priten zhvillime të fuqishme konvektive gjatë dites së sotme. Me zhvillim konvektive nënkuptojmë krijimin e vranësirave vertikale të cilat janë vranësira të stuhive të fuqishme lokale me rrebeshe të fuqishme shiu, vetëtima, bubullimë dhe mundësi edhe për breshër.
Intensiteti i rrebeshe të shiut do të jetë i fuqishëm në disa rajone saqë mund të ketë edhe shtrëngata me breshër dhe vërshime lokale. Pas rrebesheve të fuqishme të shiut reshjet do të vazhdojnë në formë shiu për disa orë të cilat do të jenë intensive. Vlenë të theksohet për fund se reshjet nuk do të jenë barabartë të shpërndara në tërë territorin sepse kemi të bëjmë me shira veror dhe në disa rajone mund të ketë edhe vërshime, kurse në disa rajone tjera mund të ketë pak reshje./Meteoballkan
