Një masë e nxehtë ajrore me origjinë nga Afrika Veriore pritet të zhvendoset direkt mbi rajonin tonë duke kushtëzuar rritje të ndjeshme të temperaturave. Kjo valë e re nxehtësie pritet të jetë e ngjashme me valës e kaluara që i patëm gjatë kësaj vere.
Pas disa ditëve mjaft të këndshme dhe me reshje shumë të mirëseardhura tani radhën e ka përsëri i nxehti përvëlues veror i cili po vjen gradualisht.
Masa e nxehtë ajrore do të stacionohet mbi rajonin tonë për disa ditë me radhë e ndoshta për një javë duke rritur temperaturat në tërë territorin. Edhe pse pritet të kemi mot kryesisht me diell dhe mjaft të nxehtë, atmosfera nuk do të jetë krejtësisht stabile, por rrebeshet eventuale do të jenë të kufizuara në hapësira të ngushta gjeografike kryesisht në viset kodrinore-malore, por nuk përjashtohet mundësia për ndonjë rrebesh ose stuhi afatshkurtë edhe në rajone tjera sidomos ditën e hënë.
Temperaturat do të rriten gradualisht duke filluar nga nesër, ndërsa klmu i nxehtësis pritet nga mesjava dhe fundjava.
Temperaturat maksimale në Kosovë pritet të luhaten nga 30 deri në 39 gradë Celsius në mes dhe fund të javës, ndërsa në Shqipëri dhe Maqedoninë Veriore temperaturat maksimale pritet të arrijnë deri në 40 gradë Celsius, e ndoshta në ndonjë rajon mund të kemi edhe tejkalime të këtyre shifrave.
Pra, vala e nxehtësisë do të fillojë nga nesër por jo me intensitet të menjëhershëm. Nga dita në ditë intensiteti i nxehtësisë do të vije duke u shtuar për të kulmuar në mesjavë dhe fundjavë. Jemi në mes të verës dhe kjo është krejtësisht normale. Rekomandohet kujdes i shtuar gjatë nxehtësisë së madhe sidomos për personat e moshuar, fëmijët dhe të sëmuret kronik. Duhet tu iket dajleve të panevojshme gjatë ditës nga ora 10:00 deri në orën 16;00./Meteoballkan