Pas frontit të fuqishëm të ftohtë ajror i cili mrbëmë solli reshje lokale bore në shumë pjesë të Republikës së Kosovës, sonte kemi kthjellim të motit dhe kulminacionin e përqëndrimit të masës së ftohtë ajrore mbi territoret tona.
Për këtë arsye gjatë orëve të natës e sidomos në orët e hershme të mëngjesit temperatura do të bie nën 0 gradë Celsius në Kosovë dhe shumë vise tjera kontinentale. Temperaturat pritet të lëvizin në -2 deri në -6 gradë Celsius e në disa vise malore do të jetë edhe më acar.
Masa e ftohtë ajrore do të largohet menjëherë gjatë ditës së nesërme dhe do të zëvendësohet me masa më të ngrohta ajrore dhe për këtë arsye do të ketë rritje rapide të temperaturave gjatë ditës së nesërme.
Një ciklon dhe front afërsisht të ngjashëm sikur ky i cili iku mbrëmë do të kemi gjatë mesjaves ose afërsisht mbrëmjen e së mërkurës ku fillimisht do të kemi reshje shiu e pastaj edhe reshje lokale bore në disa zona në Republikës e Kosovës. Edhe ky front do të jetë tipik i muajit Mars dhe pas kalimit të tij do të pasojë rritja e temperaturave.
Për këtë dhe informacione tjera në postimet tona të ardhshme./METEOBALLKAN