Sot në Kosovë pas një mëngjesi të ftohtë gjatë ditës do të mbajë mot kryesisht i vranët dhe pak më i nxehtë. Gjatë mbrëmjes ka mundësi për ndonjë rigë të dobët shiu në ndonjë rajon.
Në Shqipëri pritet të mbajë mot me vranësira dhe ndonjë interval kohor me diell. Pasdite në shumë rajone të Shqipërisë priten reshje shiu në bregdet pak më intensive të cilat do të vazhdojnë edhe gjatë natës.
Në Maqedoninë Veriore pritet mot me vranësira pot i thatë, kurse në Mal të Zi pasdite priten reshje shiu.
Nesër në tërë rajonin do të mbajë mot kryesisht me vranësira. Pasdite do të fillojë depërtimi i një cikloni i cili do të shkaktojë fuqizim të erërave jugore. Erëra të fuqishme jugore priten në tërë rajonin e sidomos në bregdetin e hapur shqiptar. Pas kalimit të qendrës ciklonike pikërisht mbi rajonin tonë në bregdet do të fillojnë të fryjnë erëra të fuqishme veriperëndimore natën mes së premtës dhe së shtunës. Në Shqipëri dhe Mal të Zi priten reshje intensive shiu, vende-vende edhe rrebeshe të fuqishme shiu me vetëtima dhe bubullimë. Edhe në Kosovë do të ketë reshje shiu këtë natë por do të jenë më të dobëta. Në viset malore priten reshje të reja bore.
Të shtunën pritet të jetë pak më ftohtë ndërsa vonë gjatë ditës ose në mbrëmje do të pasojë stabilizimi i motit.
Nga e diela pritet të kemi mot stabil dhe më të ngrohtë. Mëngjeset dhe netët do të jenë të ftohta dhe me mundësi për mjegull, kurse ditët dukshëm më të nxehta në ato rajone ku nuk do të ketë mjegull./Meteoballkan
