Mëngjesi i 6 i Marsit fillon me ngrica në shumë zona kontinentale të rajonit tonë për shkak të kthjellimit të motit.
Sot në Kosovë pritet të mbajë mot me intervale kohore me diell dhe vranësira, ndërsa riga të dobëta shiu priten në disa rajone. Temperaturat minimale nga -3 deri në 0, ndërsa ato maksimale nga 9 deri në 12 gradë Celsius. Erërat jugperëndimore do të vijnë duke u fuqizuar gradualisht.
Në Shqipëri dhe rajon pritet të mbajë mot me vranësira dhe lokalisht me intervale kohore me diell. Riga shiu priten në Shqipëri dhe Mal të Zi e rrallëkund në vise tjera, ndërsa në viset më të larta malore do të ketë fjolla bore.
Edhe të martën na pret mot i ngjashëm, me vranësira e intervale kohore me diell, ndërsa në Shqipëri priten reshje lokale shiu. Reshje të dendura shiu mund të ketë në jug të Shqipërisë e në viset tjera të rajonit tonë reshje krejtësisht të pakta lokale.
Mot pothuajse i ngjashëm do të vazhdojë edhe në mes të javës me rritje të lehta të temperaturave./Meteoballkan
