Nesër në Kosovë na pret mot i vërtetë veror, me shumë rreze diellore dhe temperatura që do të arrijnë deri në 30 gradë Celsius, madje në ndonjë rajon mund të tejkalojnë këtë vlerë. Pasdite vonë në disa vise mund të ketë ndonjë rrebesh të izoluar shiu me vetëtima dhe bubullimë.
Në Shqipëri dhe rajon nesër po ashtu pritet të mbajë mot i vërtetë veror me shumë rreze diellore dhe temperatura deri në 30 gradë Celsius. Rrallëkund pasdite mund të ketë ndonjë zhvillim të izoluar.
Gjatë natës ose mëngjesin e së shtunës në Kosovë mund të ketë rrebeshe lokale shiu me vetëtima dhe bubullimë, ndërsa gjatë ditës së shtunë priten intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe lokale shiu me vetëtima, bubullimë dhe mundësi për breshër. Temperaturat do të shënojnë ulje kryesisht të lehta. Rrebeshe lokale të shtunën priten edhe në viset kontinentale të Shqipërisë dhe Malit të Zi si dhe gjerësisht në territorin e Maqedonisë së Veriut dhe Kosoven Lindore. Vende-vende mund të ketë rrebeshe intensive, breshër dhe bubullima të fuqishme.
Nga e diela na pret mot me intervale kohore të gjata me diell, por edhe me zhvillime lokale që mund të kushtëzojnë rrebeshe të izoluara shiu me vetëtima dhe bubullimë./MeteoBallkan