Përderisa modeli GFS jep reshje bore nga e Diela dhe ulje të ndjeshme të temperaturave, dalja më e re e rezultateve nga analizat e modelit ECMWF gjithashtu jep reshje bore nga e diela por temperaturat nuk parashihen të jenë shumë të ulëta.
Sipas modelit ECMWF të dielen dhe të hënën priten reshjet e para të dëborës në Kosovë por temperaturat nuk do të jenë shumë të ulëta. Sidoqoftë lajmi i mirë është se të dyja modelet japin reshje atmosferike dhe kjo është shumë e rëndësishme në këtë periudhë të thatësisë ekstreme. Kjo është edhe arsyeja se pse sonte dëshirojmë të merremi më shumë me ndryshimin e motit që po vjen.
Të theksojmë edhe një herë se ndryshimet ende janë të mundshme por modelet gradualisht po bien “dakord” sa iu përket reshjeve atmosferike, kurse për detaje tjera rreth sasisë së reshjeve, lartësinë mbidetare respektivisht kufiri deri në sa metra lmd. do të vijnë reshjet e dëborës është e pamundur që të saktësojmë sonte. Na mbetet të presim dhe të shikojmë e pastaj edhe të shijojmë se si po zhvillohen ecuritë sinoptike të ditëve të ardhshme./meteballkan.
