Gjatë kësaj jave na pret mot paksa i ndryshueshëm dhe tipik vjeshtor, me vranësira, riga lokale shiu e intervale kohore me diell. Fillimi i javës do të jetë tipik vjeshtor për shkak të ndikimit të ciklonit, por pa rënje të mëdha të temperaturave. Priten reshje lokale shiu gjatë natës së sontme dhe ditës së Martë.
Nga e mërkura përpos vranësirave, priten edhe intervale të shkurtra kohore me diell, ndërsa vranësirat pritet të marrin karakter zhvillimi lokal që mund të kushtëzojnë riga ose rrebeshe lokale me mundësi edhe për ndonjë vetëtimë me bubullimë në zona të caktuara. Reshjet sipas ecurive aktuale pritet të jenë më aktive të enjtën dhe normalisht të martën.
Temperaturat minimale pritet të lëvizin nga 4 deri në 8 gradë Celsius, ndërsa ato maksimale nga 15 deri në 22 gradë Celsius e në viset mesdhetare të Shqipërisë priten edhe ndonjë gradë më nxehtë në orët me diell.
Nga e premta moti do të ketë tendencë stabilizimi , ndërsa për fundjavë pritet të kemi intervale më të gjata kohore me diell dhe rritje të temperaturave dhe kjo do të jetë hyrjë për një periudhë stabile dhe të nxehtë që na pret në fillim të gjysmës së dytë të Tetorit./MeteoBallkan
