Katër persona u gjetën të vdekur të dielën pas përmbytjes së madhe që goditi juglindjen e Francës, duke shkaktuar dëme të mëdha në rajon, njoftoi Reuters.
Një person u gjet i vdekur pranë Muy, ndërmjet qyteteve Nisë dhe Marsejë, pasi u rrëzua nga një varkë peshkimi natën e së shtunës, tha në një deklaratë Policia.
Një tjetër trup u gjet në një makinë në Cabasse dhe dy persona u gjetën të vdekur në Tanneron, u tha në vijim.
Një burrë 77 vjeç ka humbur që nga e shtuna në mbrëmje në Saint-Antonin-du-Var.
Disa lumenj kanë shpërthyer në juglindje të Francës dhe kanë shkaktuar dëme në shtëpira që janë përmbytur, po ashtu dhe makina e varka që janë përfshirë nga ujërat.
Ministri i Brendshëm Cristophe Castaner shkoi në Var të dielën të takohet me të dëmtuarit dhe punonjësit e ekipeve të shpëtimit ndërsa shiu vazhdonte të binte, megjithëse nuk ishte aq i rrëmbyer sa në ditët e mëparshme dhe përmbytjen sikur po pakësoheshin