Java në të cilën po hymë do të karakterizohet me mot mjaft të ndryshueshëm. Fillimi i javës do të jetë me reshje bore dhe temperatura të ulëta. Do të jemi nën ndikimin e masave ajrore ciklonike të cilat do të na sjellin reshje bore të intensitetit të ndryshëm. Reshjet e borës do të zgjasin deri ditën e Mërkurë kur edhe pritet që reshjet atmosferike të ndërpritën si rezultat e rrymave ajrore anticiklonike. Të Mërkurën do të jetë mjaft ftohtë kurse nga e Enjta pritet që temperaturat të kenë ngritje të lehta.
Nga fundi i javës do të kemi gjithashtu mot të ndryshueshëm por me pak reshje atmosferike. Reshjet atmosferike do të jenë të herëpashershme dhe kryesisht të intensitetit të dobët. Reshjet do të jenë të përziera në fromë shiu dhe bore. Nuk pritet ndonjë ekstrem as në reshje atmosferike dhe as në temperatura. Pra, do të jetë një fundjavë me temperatura normale për këtë periudhë kohore.
Ishin këto disa fjalë për kushtet sinoptike në javën që po hymë. Nëse eventualisht ka ndonjë ndryshim në parashikimet e motit do të njoftoheni me kohë në Meteoballkan.com. Meteoballkan.
