Një javë me mot të ndryshueshëm para nesh, ndërkohë që temperaturat shënuan ulje të ndjeshme dhe këtë e shkaktoi fronti i fuqishëm i ftohtë ajror që erdhi nga veriperëndimi i Kontinentit. Fronti megjithatë nuk solli fare reshje atmosferike në disa vise, ndërsa në disa zona pati reshje kalimtare.
Temperaturat janë kthyer në kondita mesatare për këtë periudhë kohore ose në kondita normale nëse mund të themi, ndërkohë që dita e dytë e kësaj jave sjellë ulje të mëtujteshme të temperaturave. Po ashtu të martën do të ketë dendësim të madh të vranësirave dhe reshje të herëpashershme shiu. Reshje të dendura shiu parashihen në Shqipëri, Maqedoninë e Veriut si dhe në jug dhe juglindje të Republikës së Kosovës. Reshje të pakta në veri të Kosovës.
Reshjet prapë nuk do të zgjasin shumë dhe të martën vonë do të ndërpriten.
Nga e mërkura pritet të ketë alternime mes vranësirave e intervaleve kohore me diell, ndërsa temperaturat shënojnë rritje. Nga e enjta rritja e temperaturave do të jetë e ndjeshme e sidomos të premten dhe të shtunën do të jetë përsëri shumë nxehtë për këtë periudhë kohore. Kreshta e re termike nga jugperëndimi do të sjellë ajrin shumë të ngrohtë nga Afrika Veriore në Ballkan. Temperaturat (e premte e shtune) mund të kapin shifrën 30 në zonat më të nxehta të Shqipërisë dhe 26 ose 27 në Kosovë. Rrymimet ajrore do të jenë të fuqishme nga jugu.
Të shtunën një masë e fuqishme ajrore ciklonike afrohet me reshje shiu sidomos në Mal të Zi dhe potencialisht edhe në veri të Shqipërisë e vonë në mbrëmje edhe në disa vise të Republikës së Kosovës. Gjatë natës reshjet shtrihen në gati tërë Shqipërinë në formë të rrebesheve lokale me vetëtima dhe bubullimë. E Diela vijon me intervale kohore me diell dhe vranësira të herëpashershme lokale si dhe me ulje kryesisht të lehta të temperaturave.
Parashikimi javor i motit me disa fjali. Ky parashikim mund të ndryshojë në disa nuanca ngase kemi të bëjmë me një parashikim afatgjatë. Për çdo ndryshim eventual do të njoftoheni në postimet tona të përditshme./METEOBALLKAN
