Kjo javë parashihet të jetë e ngrohtë në rajonin tonë duke kushtëzuar mot krejtësisht pranveror, madje edhe veror sepse të enjtën dhe të premten priten temperatura mbi 25 gradë Celsius. Rrebeshet e shiut nuk do të mungojnë por do të jenë më shumë të përqëndruara në Mal të Zi dhe disa vise të Shqipërisë. Në Kosovë dhe Maqedoninë Veriore rrebeshet gjatë kësaj jave do të jenë më shumë në zona të izoluara.
Temperaturat gjatë kësaj jave pritet të kulmojnë të enjten dhe të premtën kur një masë e ngrohtë ajrore nga Evropa vjen në Gadishullin Ballkanik. Ka gjasa që temperatura të arrijë deri në 30 gradë Celsius. Të premtën pjesërisht dhe të shtunën më gjerësisht pritet të kemi destabilizim të atmosferës dhe zhvillime të vranësirave konvektive që do të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshet e vikendit do të jenë më të përhapura në tërë rajonin.
Pra, para nesh një javë e ngrohtë, me rrebeshe të rralla në Kosovë e Maqedoni, e më të shpeshta në Mal të Zi dhe disa vise të Shqipërisë. Probabiliteti më i lartë për rrebeshe shiu në Kosovë është të martën pasdite dhe të shtunën. Temperaturat mund të prekë shifren 30 afërisisht të premtën në nivel rajoni në territoret tona, ndërsa të shtunën rrebeshe të fuqishme lokale./MeteoBallkan
