Viti 2024 në fund po shkon në shenjë të motit stabil dhe të ngrohtë për këtë periudhë kohore. Pas disa ditëve mjaft të ftohta, dy ditët e fundit të vitit temperaturat po shënojnë rritje të ndjeshme dhe kështu pritet të përmbyllet viti 2024.
Nata e ndërrimit të motmoteve pritet të karakterizohet me mot stabil dhe relativisht të ftohta gjatë natës. Në disa zona mund vjen deri te krijimi i mjegullnajave. Gjatë ditës temperaturat shënojnë rritje të ndjeshme sepse kemi një fluks të ajrit të ngrohtë mesdhetar. Reshje atmosferike as që bëhet fjalë të ketë.
Temperaturat nga -3 deri në 10 apo 11 gradë Celsius në Kosovë, ndërsa në Shqipëri më ngrohtë sidomos në viset mesdhetare.
Edhe ditët e para të vitit 2025 do të jenë nën ndikimin e plotë të kushteve stabile të motit, gjegjësisht nën ndikimin e anticiklonit të fuqishëm që kushtëzon mot stabil. Temperaturat mund të shënojnë rritje edhe për ndonjë shkallë sepse kemi ajrin e ngrohtë nga Mesdheu para frontit të ftohtë së fundjavës.
Situata sinoptike do të fillojë të ndryshojë në të premten me afrimin e një fronti të ftohtë nga Kontinenti. Ky front i ftohtë ajror mund të krijojë edhe një ciklon kalimtar në Itali ose Detin Adriatik apo në detin Tiren. Nga fuqia e këtij cikloni do të varen reshjet atmosferike.
Fillimisht të Premten vende-vende, pastaj të shtunën në shumë vise do të fillojnë reshje e rrebeshe lokale shiu. Pastaj do të vijojë depërtimi i frontit të ftohtë dhe ulja e temperaturave ku vende-vend në Kosovë dhe viset kodrinore-malore të rajonit mund të ketë edhe borë.
Temperaturat do të pësojnë ulje të ndjeshme me depërtimin e frontit të ftohtë fuqia e të cilit ende nuk mund të përcaktohet me saktësi të madhe sepse ka dallime të mëdha në modele.
Pra, kjo javë me shumë ditë stabile. Destabilizimi i motit vjen në fundjavë, me reshje atmosferike. Detaje rreth fundjavës në postimet tona tjera, sepse nga tani kemi “mospajtime” në modelet kryesore të parashikimit të motit. Reshje do të ketë pothuajse sigurt, por sasia dhe lloji i reshjeve mbeten ende për tu sqaruar.
Për fund ju urojmë një tranzicion të qetë drejt Vitit të Ri 2025./MeteoBallkan
