Nesër në Kosovë pritet të mbajë mot kryesisht me diell dhe mesdita do të jetë e ngrohtë për këtë periudhë kohore. Mëngjesi do të jetë shumë i ftohtë, vende-vende me acar dhe mjegull, ndërsa dita stabile, por me fuqizim gradual të erërave jugperëndimore. Pikërisht këto erëra mund të ndikojnë në largimin e mjegullës në shumë rajone. Temperaturat nga -5 minimalja deri në 11 gradë Celsius maksimalja.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell, pas një mëngjesi mjaft të ftohtë dhe në disa zona me acar dhe mjegull. Dita vijon me kthjellime dhe rritje të temperaturave, megjiithatë vranësirat lokale do të fillojë të shfaqen sidomos në disa vise të Shqipëris, pastaj edhe në disa rajone tjera.
Të Premten do të vazhdojë moti relativisht i ngrohtë, por kësaj radhe priten shumë më shumë vranësira. Reshje lokale shiu do të fillojnë në Mal të Zi e Shqipëri, pastaj më vonë edhe në Dukagjin të Kosovës. Në mbrëmje vonë reshje shiu në gati tërë Shqipërinë dhe Kosovën dhe pastaj kemi frontin me ulje të ndjeshme të temperaturave. Në Kosovë do të fillojnë shumë shpejtë reshje bore të cilat pastaj do të shtrihen edhe në verilindje të Shqipërisë dhe shumë pjesë të Maqedonisë së Veriut. Shtresa bore priten në këto zona që i përmendëm. Reshje lokale bore mund të ketë edhe në lindje dhe juglindje të Shqipërisë deri në mëngjesin e së Shtunës.
Të shtunën reshjet e borës pushojnë gradualisht, ndërsa vijon ulja e temperaturave. Pasdite vonë ose në mbrëmje kthjellim jo i tërësishëm i motit dhe depërtim i mëtutjeshëm i ajrit të ftohtë polar. Gjatë natës dhe mëngjesit të së dieles acar mjaft i fortë, por i cili do të zbutet në fillim të javës së re./MeteoBallkan
