Nesër në Kosovë pritet të mbajë mot me vranësira dhe intervale kohore me diell. Pasdite do të ketë zhvillime të vranësirave dhe priten reshje lokale shiu. Lokalisht mund të ketë zhvillime konvektive që pritet të kushtëzojnë rrebeshe lokale shiu me mundësi edhe për ndonjë vetëtimë dhe bubullimë. Ka gjasa që të ketë edhe breshër të imët në zonën e zhvillimit konvektiv. Temperaturat pritet të lëvizin nga 2 minimalja, deri në 12 gradë Celsius maksimalja.
Në Shqipëri dhe tërë rajonin nesër pritet të mbajë mot me vranësira dhe intervale kohore me diell në disa vise. Priten edhe reshje lokale shiu dhe po ashtu në disa zona rrebeshe lokale me ndonjë vetëtimë dhe bubullimë. Në viset e larta malore fjolla bore.
Të shtunën dhe të dielën më shumë vranësira sidomos të shtunën. Në Kosovë priten riga lokale shiu kryesisht të dobëta, ndërsa reshje më intensive priten në shumë vise të Shqipërisë dhe Maqedonisë së Veriut. Reshje bore vetëm në disa zona malore.
Të dielën pasdite dhe në mbrëmje shpërbërje e vranësirave dhe kthjellim i pjesshëm i motit.
Nga e hëna pak më ngrohtë dhe me intervale kohore me diell. Ende do të ketë gjasa për riga të dobëta shiu, ndërsa në Shqipëri dhe Mal të Zi reshje paksa më të përhapura./MeteoBallkan
