Nesër në Kosovë pritet të mbajë mot me diell dhe mjaft i nxehtë veror. Nganjëherë do të ketë vranësira të pakta lokale, ndërsa vonë pasdite vetëm në disa vise të larta malore mund të ketë ndonjë rrebesh të izoluar shiu me vetëtima dhe bubullimë. Temperatura maksimale pritet të arrijë deri në 31 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Martën pritet të mbajë mot kryesisht me diell dhe i nxehtë veror. Vranësirat do të jetë të pakta dhe lokale, ndërsa pasdite në disa zona të larta malore mund të ketë ndonjë rrebesh lokal shiu me vetëtima dhe bubullimë.
E Mërkura do të jetë edhe një ditë mjaft e nxehtë verore me temperatura deri në 32 apo ndoshta edhe 33 gradë Celsius.
Vala e nxehtësisë do të vazhdojë edhe ditët në vijim, por nga e Enjta pasditeve mund të ketë gjasa për zhvillim lokale konvektive me mundësi për rrebeshe të izoluara shiu me vetëtima dhe bubullimë. Vende-vende mund të ketë ndonjë rrebesh mjaft të fuqishëm i shoqëruar me breshër, por këto zhvillime do të ndodhin vetëm në disa rajone, pra do të jenë zhvillime të izoluara. Temperaturat maksimale mund të shkojnë deri në 35 gradë Celsius. Po ashtu temperaturat do të rriten edhe në vlerat minimale./MeteoBallkan
