Nesër në Kosovë pritet të mbajë mot kryesisht me diell dhe mjaft i nxehtë, megjithatë pritet të jetë ndonjë gradë më freskët se sot dhe ditët që lamë pas. Pasdite vonë në disa vise kryesisht në veriperëndim dhe veri të vendit mund të ketë ndonjë rrebesh të izoluar shiu.
Në Shqipëri, Maqedoninë Veriore, Mal të Zi dhe Luginën e Preshevës nesër pritet të mbajë mot kryesisht me diell dhe i nxehtë. Temperaturat maksimale shënojnë ulje të lehta.
Pasnesër (e mërkurë) na pret mot kryesisht me diell dhe prapë shumë i nxehtë me temperatura maksimale nga 34 deri në 36 gradë Celsius.
Të enjtën pritet destabilizim i motit me erëra të fuqishme jugore dhe jugperëndimore. Temperaturat ende do të mbesin mjaft të larta për shak të efektin “fen” të erërave të fuqishme jugperëndimore. Në Mal të Zi dhe veri të Shqipërise deri afër qendrës së vendit priten rrebeshe të fuqishme shiu me vetëtima dhe bubullimë. Në viset tjera ka një ndryshim në parashikim dhe priten rrebeshe sporadike. Në mbrëmje erërat do të qetësohen dhe do të fillojnë të ndryshojnë drejtim. Do të fillojnë të fryjnë nga veriperëndim dhe veriu dhe priten ulje të ndjeshme të temperaturave.
Të premtën na pret mot i freskët dhe i këndshëm krahasuar me ditët e kaluara, me temperatura maksimale nën 30 gradë Celsius në viset kontinentale. Pasdite priten rrebeshe lokale shiu me vetëtima dhe bubullimë.
Nga e shtuna e sidomos të dielen pritet rikthim i vapës afrikane./Meteoballkan
