Nesër në Kosovë pritet të mbajë mot plotësisht i vranët dhe i zymtë. Herë pas here priten reshje lokale shiu të intensitetit kryesisht të dobët. Në viset malore nganjëherë priten fjolla bore. Temperaturat do të shënojnë ulje dhe pritet të lëvizin nga 2 deri në 8 gradë Celsius.
Në Shqipëri, Maqedoninë Veriore, Kosovën lindore dhe Mal të Zi nesër pritet të mbajë mot i vranët dhe i zymtë. Priten edhe reshje lokale shiu e bore në viset malore. Në Shqipëri lokalisht priten rrebeshe afatshkurtra shiu me vetëtima, bubullimë dhe breshër të imët.
Të dielën ftohtë, paradite pritet të kemi mot të vranët dhe të zymtë. Ende në disa vise priten riga të dobëta, lokale shiu e në viset malore fjolla bore. Pasdite dhe në mbrëmje vranësirat pritet të shpërbëhen dhe pritet kthjellim i pjesshëm i motit. Mëngjesi i së hënës do të jetë i ftohtë dhe me ngrica në viset kontinentale.
Gjatë ditës së hënë pritet të kemi intervale kohore me diell dhe vranësira lokale. Ka gjasa për riga të dobëta shiu, ndërsa në Mal të Zi dhe gjysmën veriore të Shqipërisë priten reshje më të shpeshta shiu./MeteoBallkan