Nesër në Kosovë pritet të kemi përsëri ndryshim të motit. Pas intervaleve kohore me diell dhe vranësira lokale gjatë paradites, pasdite pritet të ketë shtim të vranësirave të cilat do të kushtëzojnë rrebeshe lokale shiu me vetëtima dhe bubullimë. Temperaturat shënojnë ulje pasdite.
Në Shqipëri pritet të ketë mot kryesisht me diell dhe i ngrohtë. Rrallë në disa vise mund të ketë ndonjë rrebesh shiu, por shumica e territorit të Shqipërisë nesër nuk priten reshje dhe as zhvillime.
Edhe në Maqedoninë Veriore nesër pritet të mbajë mot me intervale të gjata kohore me diell dhe vranësira lokale. Pasdite në disa zona priten rrebeshe lokale shiu me vetëtima dhe bubullimë.
Fronti i nesër, do të ndikojë më së shumti në Kosovë veri të Malit të Zi dhe disa vise në Maqedoninë Veriore, ndërsa në viset tjera ndikimi i tij do të jetë më i vogël ose inekzistent.
Nga e hëna përmirësim i motit në tërë rajonin, pra edhe në Kosovë priten intervale kohore me diell dhe vranësira kalimtare. Rallë në disa vise mund të ketë ndonjë rigë ose rrebesh afatshkurtër shiu. Temperaturat shënojnë rritje graduale./MeteoBallkan
