Nesër në Kosovë pritet të kemi mëngjes të ftohtë dhe vende-vende me mjegull dhe brymë. Temperatura mund të ulet deri në -1 gradë Celsius. Gjatë ditës parashihen kthjellime dhe shumë rreze diellore. Temperatura maksimale deri në 15 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell, pas një mëngjesi mjaft të ftohtë në viset kontinentale dhe mjegull nëpër shumë lugina dhe ultësira. Acar pritet sidomos në veri të Malit të Zi, por edhe në disa zona tjera të rajonit kryesisht zonat kodrinore-malore ku temperatura mund të ulet deri në -3 gradë Celsius.
Ditët e ardhshme pa ndonjë ndryshim të motit. Mëngjeset do të vazhdojnë të jenë të ftohta, lokalisht me mjegull dhe ngrica e brymë. Ditët kryesisht me diell dhe stabile. Temperaturat pa ndonjë ndryshim deri afër fundjavës./MeteoBallkan
