Nesër në Kosovë do të mbajë mot i vranët dhe vende-vende me reshje bore. Reshje më intensive bore priten në viset kodrinore-malore. Do të fillojnë të fryjnë erëra mesatarisht të fuqishme por të ftohta nga ana veriore. Reshjet e borës nuk do të kapin tërë teritorin e Republikës së Kosovës por shumicën.
Në Shqipëri dhe Maqedoni nesët mot i ftohtë dhe kryesisht i thatë. Në ekstremin verilindor, lindor dhe juglindor të Shqipërisë ka mundësi për reshje të dobëta bore. Poashtu edhe në Maqedoninë perëndimore mund të ketë fjolla të dobëta bore.
Të Hënën në tërë rajonin tonë pritet të mbajë mot jashtëzakonisht i ftohtë dhe me erëra të akullta veriore. Temperaturat përsëri do të shënojnë ulje të theksuar.
Të martën në mbrëmje dhe natën në veriperëndimin e Shqipërisë do të fillojnë reshje të dendura bore dhe shiu varësisht nga temperaturat. Reshjet e dëbores mund të paraqiten edhe në bregdet. Reshje të dendura bore mund të përfshijnë qytetin e Shkodrës. Gjatë natës reshjet e dendura të borës do të përfshijnë edhe Republikën e Kosovës si dhe Maqedoninë. Të mërkurën në tërë rajonin tonë mot shumë i vranët me reshje të dendura bore në Kosovë, Maqedoni, Mal të Zi dhe shumicën e territorit të Shqipërisë me përjashtim të bregdetit dhe Luginës Perëndimore ku reshjet do të bien në formë të shiut si pasojë e ngritjes së temperaturave.
Në Kosovë, Maqedoni, shumë pjesë të Shqipërisë dhe Mal të Zi priten reshje mjaft të dendura bore dhe kjo do të jetë bora e parë serioze e kësaj sezone dimërore për Kosovën.
Informacione dhe detaje tjera në postimet tona të ardhshme./Meteoballkan.
