Nesër në Kosovë pritet të mbajë mot me vranësira dhe intervale kohore me diell. Mëngjesi do të jetë me acar, ndërsa dita me rritje të lehta të temperaturave. Parashihen edhe reshje të pakta lokale në disa rajone ku mund të ketë riga shiu dhe fjolla bore në viset kodrinore-malore. Temperaturat nga -2 ajo minimale deri në 11 gradë Celsius ajo maksimale.
Në Shqipëri dhe rajon do të mbajë mot me vranësira dhe intervale më të gjata kohore me diell. Vende-vende priten reshje të pakta lokale, ndërsa temperaturat ditore shënojnë rritje të lehta.
Mot i ndryshueshëm do të vazhdojë edhe gjatë fundjavës, me rritje të lehta të temperaturave. Priten intervale kohore me diell, por edhe vranësira të shpeshta dhe riga lokale shiu. Në viset kodrinore-malore fjolla bore./MeteoBallkan
