Nesër në Kosovë do të mbajë mot kryesisht i kthjellët dhe me diell por edhe me vranësira kalimtare. Temperaturat nuk do të shënojnë ndonjë ndryshim.
Në Maqedoni nesër mot i ngjashëm sikur sot pra kryesisht me diell dhe vranësira kalimtare dhe i nxehtë.
Në Shqipëri nesër paradite mot me diell dhe i nxehtë kurse pasdite ose në mbrëmje në perëndim të vendit nga bregdeti pritet që të depërtojnë vranësira të cilat vende vende do të sjellin edhe riga lokale shiu kurse ka mundësi që të ketë edhe rrebeshe shiu me vetëtima dhe bubullimë. Reshjet do të përqëndrohen kryesisht në jugperëndim, dhe perëndim të vendit, ndërsa riga kryesisht të dobëta shiu priten edhe në jug dhe juglindje.
Rrebeshet e shiut lokalisht do të jenë prezente edhe gjatë natës së ardhshme në rajonet e lartëcekura kurse të Enjten pritet kthjellim i motit dhe kthim në “normalitet”.
Ditëve të ardhshme në tërë rajonin tonë do të vazhdojë të mbajë mot me diell, vranësira kalimtare, i thatë dhe i nxehtë për këtë periudhë kohore./Meteoballkan.
