Nesër në Kosovë na pret mot i ngjashëm, me vranësira të shpeshta, intervale kohore me diell dhe ndonjë rigë ose rrebesh lokal shiu në disa rajone. Do të vazhdojnë rrymimet ajrore nga jugu dhe temperatura maksimale pritet të arrijë deri në 12 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira të shpeshta dhe lokalisht edhe me intervale kohore me diell. Reshje shiu priten kryesisht në disa vise të Shqipërisë dhe Mal të Zi ku ka gjasa edhe për ndonjë rrebesh shiu me bubullimë.
Edhe ditëve të ardhshme do të mbajë mot i ngjashëm, me vranësira, intervale kohore me diell dhe ndonjë rigë ose rrebesh shiu.
Për fundjavë do të fuqizohet ndikimi ciklonik dhe si rezultat do të kemi dendësim të vranësirave dhe intensifikim të reshjeve atmosferike të cilat do të përfshijnë tërë rajonin tonë. Reshje të dendura priten në shumë vise të Shqipërisë dhe perëndim e veriperëndim të Kosovës.
Të hënën në Kosovë ekzistojnë gjasa që të kemi reshje bore./MeteoBallkan
