Nesër në Kosovë do të mbajë mot kryesisht i vranët dhe i ftohtë, me erëra të ftohta nga veriu dhe herë pas here edhe me reshje bore. Reshjet e borës pritet të jenë të koncentruara më shumë në viset kodrinore-malore, ndërsa priten edhe periudha të gjata pa reshje. Temperaturat pritet të luhaten nga -5 ato minimale deri në 2 gradë Celsius ajo maksimale.
Në Shqipëri dhe tërë rajonin tonë nesër pritet të mbajë mot mjaft i ftohtë dhe me vranësira e reshje shiu e bore. Reshje më të theksuara bore priten në juglindje të Shqipërisë dhe jugperëndim të Maqedonisë së Veriut. Pasdite vonë dhe në mbrëmje fjolla bore mund të ketë edhe në disa vise mesdhetare në qendër dhe jug të Shqipërisë.
Të mërkurën dhe të enjtën do të vazhdojë mot i ftohtë dhe lokalisht edhe me reshje bore. Në Shqipëri priten kthjellime, ndërsa në Kosovë reshje të reja të herëpashershme bore. Reshje lokale bore priten edhe në Maqedoninë Veriore, veriun e Malit të Zi dhe Luginën e Preshevës.
Nga e premta në tërë rajonin priten intervale kohore me diell, por do të vazhdojë të jetë mjaft ftohtë, madje pritet fuqizim i masës së ftohtë ajrore. Acar i fortë gjatë natës dhe mëngjesit./MeteoBallkan
